FAQ

Қисқа савол-жавоблар

Виртуал академия, ўқув курслари, сертификатлар ва ўқиш тартиби бўйича кўп бериладиган саволларга жавоблар.

Ҳеч нарса топилмади. Бошқа сўз билан қидириб кўринг ёки биз билан боғланинг.

“Коррупсияга қарши курашиш виртуал академияси” электрон платформаси бу аҳоли ва давлат хизматчиларининг коррупсияга қарши курашиш соҳасидаги билимларини узлуксиз оширишга қаратилган электрон ўқув платформа.

“Коррупсияга қарши курашиш виртуал академияси” электрон платформаси Ўзбекистон Республикаси Президентининг 2024 йил 21 июндаги “Аҳоли ва давлат хизматчиларининг коррупсияга қарши курашиш соҳасидаги билимларини узлуксиз ошириш тизимини жорий қилиш чора-тадбирлари тўғрисида”ги ПҚ-228-сонли қарори билан жорий этилган. Шунингдек, Ўзбекистон Республикаси Коррупсияга қарши курашиш агентлиги ва Бош прокуратура “Коррупсияга қарши курашиш виртуал академияси” электрон платформасида ўқитишни ташкил этиш тартиби тўғрисидаги низомни тасдиқлаш ҳақида”ги қарори [Адлия вазирлиги томонидан 2024 йил 30 октябрда рўйхатдан ўтказилди, рўйхат рақами 3565] билан давлат хизматчилари ва аҳолининг Виртуал академияда ўқитишни ташкил этиш тартиби тасдиқланган.

Виртуал академияда ўқув фаолиятини ташкил этиш ва юритиш Коррупсияга қарши курашиш агентлиги ҳамда Ҳуқуқни муҳофаза қилиш академияси томонидан амалга оширилади.

Виртуал академияда ўқитиш коррупсияга қарши курашиш соҳасида базавий ҳамда махсус ўқув курслари бўйича йўлга қўйилади.

Махсус курсларга кириш учун давлат хизматчилари шартномада кўрсатилган ўқитиш қиймати буюртмачи ташкилот томонидан тўлиқ тўлангандан сўнг, таълим олувчилар томонидан ягона идентификация тизими (Оне ID) ёрдамида рўйхатдан ўтиш орқали Виртуал академиянинг махсус ўқув курсларида ўқиш имконияти ташкил этилади. Шунингдек, давлат хизматчиларига тизимга кириш учун Академия томонидан тайёрлаб берилган махсус парол ва логинлар ёрдамида кириш мумкин.

Давлат хизматчилари учун ташкил этиладиган махсус ўқув курслари касбий одоб-ахлоқ қоидаларига риоя этиш, манфаатлар тўқнашувини бартараф қилиш ва коррупсияга қарши курашишнинг асосий йўналишлари бўйича мустақил ўзлаштириш орқали амалга оширилади. Машғулотлар жадвалида асинхрон режимдаги машғулотлар ва оралиқ назорат ишини бажариш кунига 2 соатдан режалаштирилади. Асинхрон машғулотларда таълим олувчилар Виртуал академияга жойлаштирилган асосий ва қўшимча электрон ўқув материалларини мустақил равишда ўзлаштиради ва мавзулар бўйича олган билимларини текшириш учун назорат ишларини бажаради.

Виртуал академиянинг махсус ўқув курсларида коррупсияга қарши курашиш соҳасида малака ошириш давлат хизматчилари учун мажбурий, бошқа контингент учун ихтиёрий ҳисобланади. Давлат хизматчилари ҳисобланмайдиган шахсларни махсус ўқув курсларида ўқитиш ихтиёрийлик асосида амалга оширилади.

Чуқурлаштирилган ўқув дастурлари асосидаги махсус курслар коррупсияга қарши ички назорат тузилмалари ва коррупсиявий хавф-хатарлар юқори бўлган давлат хизмати лавозимларида фаолият кўрсатувчи ходимлар учун олиб борилади.

Виртуал академияда ўқиши лозим бўлган бўлган давлат хизматчиларига давлат органлари ва ташкилотларида ўз фаолиятини меҳнат шартномаси (контракт) асосида ёки сайлаб қўйиладиган ёхуд тайинланадиган лавозимларда амалга ошираётган бошқарув ходимлари киради.

Виртуал академияда тютор (ўқитувчи-консултант) фаолияти Академия профессор-ўқитувчилари ва ходимлари томонидан амалга оширилади. Давлат органлари ва ташкилотларининг мутахассислари ҳам тютор (ўқитувчи-консултант) фаолиятини амалга ошириши мумкин. Тютор бу – базавий ва махсус ўқув курсларида тегишли ўқув модули бўйича таълим олувчилар фаолиятини мувофиқлаштирувчи ва йўналтирувчи, методик ёрдам кўрсатувчи, ўқув-методик материалларни ишлаб чиқиш функсияларини амалга оширувчи масъул ходим.

Давлат хизматчиси ишга қабул қилинганидан сўнг уч ой ичида ўқув курсидан ўтади. Давлат хизматчиси малака ошириш шаклида ўқиганда ўқиш даврийлиги ҳар уч йилда камида бир мартани ташкил этади.

Виртуал академияда ўқув жараёни сифатли ташкил этилишини мониторинг қилиб бориш Коррупсияга қарши курашиш агентлиги томонидан амалга оширилади. Шунингдек, Академиянинг махсус тармоқлари ички мониторингни амалга ошириб боради.

Махсус ўқув курсларида кириш, жорий, оралиқ ва якуний назорат турлари ўтказилади. Бунда, жорий, оралиқ ва якуний назорат турларида таълим олувчиларнинг билимларини баҳолаш турли хил интерфаол синовлар, муаммоли вазиятлар ва бошқа топшириқлар ҳамда тест шаклида амалга оширилади. Кириш назорат туридан унинг натижаларини якуний назорат тури натижалари билан солиштириш мақсадида фойдаланилади ва назорат турларини умумий ҳисоблашда инобатга олинмайди.

Аҳоли ва давлат хизматчиларининг коррупсияга қарши курашиш соҳасидаги билимларини узлуксиз ошириш тизимининг асосий мақсадлари қуйидагилардан иборат: - аҳоли ва давлат хизматчиларининг ҳуқуқий онги ва ҳуқуқий маданиятини юксалтириш; - жамиятда коррупсияга нисбатан ҳуқуқий иммунитетни шакллантириш; - ёш авлод онгига ҳалоллик қадриятларини сингдириш; - коррупсияга қарши курашишга масъул ҳамда коррупсиявий хавф-хатарлар юқори бўлган давлат хизмати лавозимларидаги ходимларнинг билим, кўникма ва малакаларини доимий равишда ошириб бориш; - давлат хизматчиларининг коррупсияга қарши курашиш соҳасидаги билимларини баҳолаш.

Виртуал академияда коррупсияга қарши курашиш бўйича ўқув дастурлари қуйидаги контингент учун мўлжалланган: - аҳоли; - тадбиркорлик субъектлари вакиллари; - нодавлат нотижорат ташкилотлари ва бошқа фуқаролик жамияти институтлари вакиллари; - таълим ташкилотлари тарбияланувчилари, ўқувчилари ва талабалари; - давлат органлари ва ташкилотларининг давлат хизматчилари; - давлат иштирокидаги корхоналарнинг ходимлари.

Базавий ўқув курслари бу – Виртуал академияда жойлаштириладиган ҳамда фойдаланиш учун барча таълим олувчиларга очиқ бўлган коррупсияга қарши курашиш ва унинг олдини олиш бўйича ташкил этиладиган ўқув курслари. Базавий ўқув курсларидан барча таълим олувчилар учун бепул ва унда исталган вақтда ва чекланмаган миқдорда фойдаланиш мумкин. Базавий ўқув курслари ишдан ажралмаган ҳолда, асинхрон режимида масофадан туриб электрон таълим ресурсларини мустақил равишда ўзлаштириш асосида амалга оширилади. Бунда таълим олувчиларга коррупсия тушунчаси, тарихи, оқибатлари, унга қарши курашиш ва олдини олишга доир масалаларни тушунтириш орқали уларнинг ҳуқуқий онги ва маданиятини юксалтириш, жамиятда коррупсияга нисбатан ҳуқуқий иммунитетни шакллантиришга қаратилган шаклда ташкил этилади. Базавий ўқув курслари бир неча дақиқалар ичида ўзлаштириши мумкин бўлган янгиликлар, муаммоли вазиятлар ва уларнинг ечимлари, савол-жавоб ҳамда турли хил синовлар ўтказиш орқали амалга оширилади. Базавий ўқув курсларидан унда исталган вақтда ва чекланмаган миқдорда фойдаланиш мумкин.

Давлат хизматчиларига махсус ўқув курсларида коррупсияга қарши курашиш соҳасида ўқитиш қуйидаги мажбурий курслар асосида олиб борилади: ишга қабул қилинганидан сўнг уч ой ичида 36 соатдан кам бўлмаган махсус ўқув курси; ҳар уч йилда камида бир марта малакаси оширилганда 12 соатдан кам бўлмаган ва 24 соатдан кўп бўлмаган махсус ўқув курси. Коррупсияга қарши ички назорат тузилмалари ходимлари учун ташкил этиладиган махсус ўқув курслари 24 соатдан кам бўлмаган ва 36 соатдан кўп бўлмаган ўқув курси сифатида ташкил этилади. Коррупсиявий хавф-хатарлар юқори бўлган давлат хизмати лавозимларида фаолият кўрсатувчи ходимлар учун махсус ўқув курслари 12 соатдан кам бўлмаган ва 24 соатдан кўп бўлмаган ўқув курси сифатида ташкил этилади.

Президентнинг 21.06.2024 йилдаги ПҚ-228-сонли қарори 5-бандига мувофиқ, Виртуал академияда базавий ўқув курсларида ўқитиш барча фойдаланувчилар учун бепул асосда ташкил этилади, махсус ўқув курсларида малака ошириш тўлов-шартнома асосида амалга оширилади. Давлат хизматчилари тоифасига кирмайдиган шахслар махсус курсларда рўйхатдан ўтиш учун Виртуал академиянинг расмий веб-сайтига кириб, ўқиш учун ариза топшириши мумкин.

Махсус ўқув курсларида тўлов-шартнома асосида малака ошириш учун тўлов миқдори Академиянинг Васийлик кенгаши томонидан Агентлик ҳамда Иқтисодиёт ва молия вазирлиги билан келишилган ҳолда тасдиқланади. Тасдиқланган миқдор Виртуал академия сайтида жойлаштирилади. Тўловли дастурларнинг нархи уларнинг давомийлиги (соати) ва мазмунига боғлиқ ҳолда белгиланади.

Давлат хизматчиларининг малакасини ошириш билан боғлиқ харажатлар тегишли давлат органи ёки ташкилотига ушбу мақсадлар учун назарда тутилган буджет маблағлари доирасида ёхуд уларнинг буджетдан ташқари маблағлари, шунингдек, қонунчиликда тақиқланмаган бошқа манбалар ҳисобидан қопланади.

Виртуал академияда махсус ўқув курсларини муваффақиятли тамомлаган шахсларга Агентлик ва Академия томонидан тасдиқланадиган намунадаги амал қилиш муддати уч йил бўлган сертификат берилади

Ўқув курсларида жорий, оралиқ ва якуний назорат натижаларидан норози бўлган таълим олувчилар мазкур имтиҳонлар натижалари эълон қилинган кундан бошлаб етти иш куни ичида Академиянинг Апелляция комиссиясига ёзма ёки электрон шаклда апелляция шикояти беришлари мумкин.

Махсус ўқув курсларида жорий, оралиқ ва якуний назорат турларини узрли сабабларга кўра (касаллиги, яқин қариндошларининг вафоти, меҳнат таътили, Ўзбекистон Республикасидан ташқарида бўлиши сабабли) топшира олмаган таълим олувчига уларнинг натижалари эълон қилинган кундан бошлаб бир ой мобайнида қайта топшириш учун имконият берилади. Бунда, таълим олувчидан жорий, оралиқ ва якуний назорат турларини қайта топшириш тўлов-шартнома қайта расмийлаштирмаган ҳолда амалга оширилади. Жорий, оралиқ ва якуний назорат турларини топшира олмаган таълим олувчи махсус ўқув курсини бепул асосда қайта ўқиш ҳуқуқига эга. Мазкур ҳолат узрли сабаблари мавжуд бўлмаган тингловчиларга нисбатан татбиқ этилмайди.

Саволингизга жавоб топмадингизми?

Биз билан боғланинг — мутахассисларимиз ёрдам беришади.

info@proacademy.uz +998 71 202 04 96